2021-01-17

Ĝenevo, grava platformo por multnacia diplomatio, atestis pri multnombraj neforgeseblaj „ĉinaj momentoj“. En Januaro de 2016 la ĉina ŝtatprezidanto Xi Jinping parolado en la ĉefstabo de UNO prezentis la „Ĉinuj-Koncepton“ por alfronti gravajn tutmondajn defiojn. Lia parolado estis tre atentata de la monda publiko.

„Daŭrema paco, konstanta evolu-vigleco kaj brile prosperantaj kulturoj estas same la ĉefa aspiro de ĉiuj popoloj de la mondo kiel ankaŭ la devo de la politikistoj de nia generacio. La ĉina koncepto konsistas en konstruado de komunumo de la homaro kun komuna estonteco, kiun povas profiti ĉiuj.” Xi Jinping diris, ke la homaro aktuale troviĝas en erao de gigantaj ŝanĝoj kaj transformadoj, en kiu de tempo al tempo aperas defioj kaj riskoj. Por sukcese alfronti la grandajn tutmondajn defiojn, la internacia komunumo devas strebi al partnereco, sekureco, ekonomia disvolvado, kultura interŝanĝo kaj ekologia konstruado. Celo estas konstrui komunumon de la homaro kun kundividita estonteco, kiun povas profiti ĉiuj.

En la mondo ne ekzistas absolute sekura Utopio. La sekureco de lando ne rajtas baziĝi sur maltrankvilo de aliaj landoj. La riskoj de aliaj landoj povas esti la defioj de la propra lando. Vide al la problemoj de la najbaroj oni ne rajtas pensi nur pri sia propra ĝardeno, sed oni devas ankaŭ doni helpon. Ĉiuj flankoj instalu komunan, ampleksan, kunlaborantan kaj daŭreman sekurec-koncepton.

Dum la mondvasta batalo kontraŭ la Kovid-19-pandemio ĉinaj pintaj politikistoj faris 87 retajn interparoladojn kun eksterlandaj pintaj politikistoj kaj reprezentantoj de internaciaj organizaĵoj. Ĝis meze de Decembro 2020 Ĉinujo liveris al diversaj landoj pli ol 200 miliardojn da spirprotektaj maskoj, du miliardojn da protektaj kostumoj kaj 800 milionojn da nuklein-acidaj testiloj, helpis al 150 landoj kaj regionoj kontraŭ la Kovid-19-pandemio kaj sendis 36 medicinajn fakul-teamojn en 34 landojn. Kiel gvida lando ĉe esplorado kaj disvolvado de vakcinaĵoj kontraŭ la nova koronviruso, Ĉinujo aliĝis al la mondvasta iniciato Covid-19 Vaccines Global Access (COVAX). Brazilo, Indonezio, Egiptujo, Turkujo – ĉiam pli da evolulandoj ricevas ĉinajn vakcinaĵojn kontraŭ la Kovid-19.

Ĉinujo pretas kundividi siajn spertojn en la batalo kontraŭ la pandemio same kiel en la diagnozo kaj kuracado kun aliaj landoj kaj liveri al aliaj landoj medicinajn protekto-materialon por plenumi sian promeson fari ĉinajn vakcinaĵojn publika havaĵo. Ĉinujo krome pretas helpi al la internacia komunumo, speciale al la evolulandoj en la traktado de akutaj okazoj en la kampo de publika sano kaj antaŭenigi la konstruadon de san-komunumo de la homaro.”

Kiel la mondo kondutu en la erao post la Kovid-19 ? Xi Jinping per sia ideo de formado de san-komunumo de la homaro montris la vojon.

“Ni troviĝas sur la sama ŝipo. Dum forta vento kaj altaj ondoj ni devas determini la ĝustan direkton kaj regi la ritmon. En solidara kunlaborado la ŝipo veturas spite al vento kaj ondoj al pli bona morgaŭo.”

Fonto : germanlingva eldono de cn de la 17-a de Januaro 2021, esperantigita de Vilhelmo Lutermano, 2021-01-24