Monda ASEMBLEO Socia (MAS)  [<<<]
Alvoko de ATTAC 2005-12
de ATTAC  
10a decembro 2005

Alvoko de ATTAC

decembro 2005

Ĉie en Eŭropo, subskribu kaj subskribigu tiun ĉi Eŭropan Alvokon

Individue kaj/aŭ kiel organizo


Elisabeth Gauthier

Michel Rousseau

appeal-petition-eu@ras.eu.org


Eŭropa alvoko

La parolon al la gecivitanoj de tuta Eŭropo !

La civitana kaj por-eŭropa mobiliziĝo malfermis novan epokon por Eŭropo. Ĝi estas markita de pli kaj pli forta rifuzo pri la novliberalaj politikoj kaj pri iliaj sekvoj en la tuta socia vivo. Post la sukceso de la Ne en Francio kaj Nederlando, la postuloj de la gecivitanoj devas esti aŭdataj, unuavice per totala retiro de tiu eŭropa konstitucio. La senco de tiu ĉi teksto estas formuli tiujn postulojn. Ĝi estas proponata en ĉiu lando de la politikaj, sociaj kaj asociaj fortoj kiuj celas la homan emancipiĝon en Eŭropo kaj en la mondo.

La geiniciatintoj de tiu ĉi Eŭropa Alvoko aliĝas cetere al ĉia procedo de demokratia kaj malfermita laboro favore al Alia Eŭropo por alia mondo.

Ni, gecivitanoj, geloĝantoj, volas konstrui por Eŭropo komunan estontecon de kundividita progreso. Ni volas preterpasi la krizon de la novliberala Eŭropo por sociala, demokratia, feminisma, mediprotekta, pacema Eŭropo, por Eŭropo de solidareco inter ĉiuj siaj popoloj kaj kun ĉiuj popoloj de la mondo. Tiucele ni postulas fundamentan ŝanĝon de la eŭropaj institucioj kaj politikoj, kaj la aplikadon de tujaj disponoj. Tio implicas nome :

- demokratian ellaboradon de la organizaj principoj de Eŭropo per procezo de publika debato kaj de ratifado per universala voĉdonado. La novliberala sistemo, ne demokratia, devas lasi la lokon al kunlaborado, al solidareco, al la rajtoj kaj potencoj de la gecivitanoj ;

- novan institucian kadron de la Unio bazitan sur la principoj de libereco, egaleco, plurismo, memdeterminado de la popoloj, laikeco. Apogante sin sur la antaŭrangeco de la fundamentaj rajtoj kaj de la liberecoj de la persono, ĝi enkludos la etendon de la povo de kontrolo kaj de interveno de la gecivitanoj kaj de la salajruloj en la entreprenoj, la respekton de la rajtoj de la malplimultoj kaj la subordigon de ĉiuj decidinstancoj al la asembleoj de la elektitoj ;

- ŝanĝadon de la dominad-rilatoj inter viroj kaj virinoj, por atingi realan egalecon en ĉiuj kampoj. Trud-disponoj estos faritaj por tio, kun harmoniigo laŭ la plej progresintaj disponoj, aparte la adopto de leĝo kontraŭ perfortoj kontraŭ virinoj.

- luktadon kontraŭ ĉiaj formoj de diskriminacio en la privata kaj publika vivo ;

- urĝaj disponoj kontraŭ la malriĉeco kaj la socia ekskludo ;

- starigon de tutaĵo de novaj politikoj, celantaj elradikigi la senlaborecon kaj la malcertajn laborkondiĉojn kaj sekurigi dungon kaj formadon. Tio kondiĉas luktadon kontraŭ ĉia formo de dumpingo kaj reorientadon de la buĝeto, de imposto kaj de kredito, por meti ilin en la servon de nova speco de disvolvado kiu respektas la medion kaj kreas laborlokojn.

- mobilizadon de rimedoj por plenigi la foson inter la diversaj partoj de la kontinento kaj aparte favore al la orientaj landoj ;

- la rediskutadon de la rolo kaj de la taskoj de la Eŭropa Centra Banko, de la principoj de la stabilecopakto, de la « Lisbona agendo » ;

- konverĝon laŭ la supro de la socialaj protektoj kaj de la kompenso-rajtoj (salajroj, socialaj minimumoj, senlabora kompensaĵo, pensioj, ktp.) ; la agnoskon de la rajto je laboro kaj je enspezo ; la adopton de direktivo kiu reduktas la labortempon kaj plibonigas la laborkondiĉojn ;

- la retiron de la Bolkestejn-direktivo kaj ĉia direktivo de liberaligo ; la rediskutadon de la privatigoj faritaj ekde antaŭ pli ol dudek jaroj ; la vivnecesaj sektoroj, aparte tiuj de sano, edukado kaj kulturo, devas esti liberigitaj de la konkurenc-reguloj ; por tio estas kreotaj eŭropaj publikaj sektoroj, agorde kun la naciaj kaj regionaj publikaj servoj, kiel ekzemple pri akvo kaj elektro.

- altenativon por la liberkomerca politiko en la kadro de la MOK kaj ĉesigon de la intertraktadoj de la ĜAKS ;

- adopton de eŭropa ĉarto pri medio subtenanta novan disvolvo-modelon kaj komunan agrokulturan politikon bazitan sur nutraĵaj sekureco kaj suvereneco ;

- politikon de ekonomia, media kaj socia disvolvado en la postlasitaj regionoj kaj la « periferiaj zonoj » (transmaraj) ;

- starigon de eŭropa rezidenca civitaneco, reguligadon de la senpaperuloj, rediskutadon de la Ŝengenaj akordoj ;

- rifuzon de ĉia logigo de milito kaj de militarismigo de la Eŭropa Unio, kio implicas ĝian striktan sendependecon rilate al la NATO ;

- altigon de la helpo de la Eŭropa Unio al disvolvado kaj realigon de politiko de kunlaborado kaj de solidareco en la internaciaj intertraktadoj kun la landoj de la Sudo.

Ĉie en Eŭropo, subskribu tiun ĉi Eŭropan Alvokon !

Subskriboj : individuaj aŭ per organizoj

1. Organizo

Adreso :

Lando :

Interret-paĝo :

Retpoŝt-adreso :

Kontaktpersono :

2. Nomo, Individua nomo :

Kiun indikon vi deziras aperigi : respondeco, organizo, profesioj)

Adreso :

Lando :

Retpoŝt-adreso :

Bonvolu sendi vian subskribon al : appeal-petition-eu@ras.eu.org


Elfrancigita de Vilhelmo Lutermano por Monda Asembleo Socia (MAS)