Monda ASEMBLEO Socia (MAS)  [<<<]
Konsciu n-ro 44
de Afrika Centro Esperantista  
4a septembro 2009

Numero 44 27/08/09


Informilo por enprofundighi en la E-movadon Afrikan


Redaktas : Liberesko

=================================

Verkisto afrika diris : "En Afriko, la morto de maljunulo egalas brulegon de biblioteko".

Kion aludas tiu verkisto ? Chiuj scias, ke bilbioteko enhavas librojn diversajn. Tie oni povas scii chion historian kaj aliajn aferojn, legante la tieajn librojn. Kiuj volas klerighi, tiu povas ankau viziti biblitekojn. Sed tiaj ne ekzistis en Afriko. Tamen afrikanoj transdonis la sciojn al aliaj afrikanoj. Kiel chio eblis ?

La agho multe rolas en Afriko. Preskau chiam, la pli agha estas la pli chioscia. Tiel maljunuloj scias pli ol la junuloj. Al tiuj chi la maljunuloj transdonas bushe la sciojn. La junuloj vizitas la maljunulojn por havi informojn, kvazau oni vizitus bibliotekojn por havi informojn. Tial, mortanta maljunulo estas detruighanta biblioteko. La maljunuloj mortas, kunportante la sciojn. Tiu chi transdonado de scioj plu okazas, sed plie, estas ankau bibliotekoj.

Ne nur malbonon la koloniado faris al Afriko, sed ankau bonon. Unu el tiuj bonajhoj estas la klerigo de afrikanoj. Tiel tiuj chi nun skribas chion, kion maljunuloj rakontas. De sia infanajho ghis la maljunigho, la homoj spertas multajn aferojn. Iuj, kiuj estas verkemaj, ne hezitas noti chion en formo de libro. Jen afrikanoj farighis verkistoj. Iuj el tiuj verkistoj estas esperantistoj kaj verkas en Esperanto. Kiuj estas tiuj chi verkistoj kaj kiujn librojn ili jam eldon(ig)as. La respondon ACE (Afrika Centro Esperantista) shatus doni. Tamen ne tuj, char ghi ne havas kompletajn informojn pri la afrikaj verkistoj-esperantistoj. Korespondado inter Jean CODJO kaj SOKPO Vignon montras ion. La respondo de GBEGLO al SOKPO Vignon donas pliajn informojn. Chu tio sufichas ? ACE tute ne certas. Tial ghi proponas la kompiladon de manlibro pri afrikaj verkistoj.

"Verdaj plumoj afrikaj" estas la proponata titolo de la libro. ACE invitas afrikajn verkistojn, ke tiu chi revo realighu. Kion faru esperantistoj afrikaj kaj ech eksterafrikaj, tio estas liveri informojn al ACE, kiu kompilos la libron kaj eldon(ig)os ghin. Sube la gelegantoj sekvos la korespondadon inter Jean CODJO kaj SOKPO Vignon, legos la respondon de GBEGLO Koffi al SOKPO Vignon, kaj poste la alvokon de ACE por la kompilado de VERDAJ PLUMOJ AFRIKAJ.

================================================

Korespondado inter Jean CODJO kaj SOKPO Vignon

=================================================

Unua mesagho de Jean CODJO


From : Jean Codjo To : afriko@yahoogroups.com Date : Mon, 17 Aug 2009 13:23:55 -0700 (PDT) Subject : (afriko) unu plia afrika komitatano de UEA

Karaj,

Dum la Universala Kongreso en Bialistoko oni elektis min kiel C-komitatanon de UEA. Ene de Afrika Komisiono estas nun almenaux tri komitatanoj, i.e du de A (reprezentanto de landa asocio), sed kontinentskale estas nur kvar A-komitatanoj. Tio versxajne ne estas signo de sukceso pri la afrika agado, pro tio necesas ke estu pli kaj pli esperantistoj en afriko, por ke nombro de gxiaj komitatanoj estu alta. Estas necese, ke ni pli kunlaboru por ne nur vigligi la movadon, sed ankaux konigi gxin al la tuta esperanta komunumo. Mia deziro, same kiel tiu de multaj aliaj arikanoj, estas ke iam okazos IJK kaj UK en afriko. Por ke gxi okazu post kvar aux kvin jaroj, necesas ke ekde nun ni vigle eklaboru pri tio. IJK aux UK ne estas nur okazo por paroli la lingvon, sed ankaux por fortiki lokan ekonomion per turisma arangxo kaj konsciigi politikistojn pri ekzisto de nia lingvo kaj ties idealo. Por atingi tian celon, ege necesas, ke unue estu efektive funkciantaj kaj viglaj Landaj Asocioj. Funkcianta asocio signifas, ke tiu efektive prizorgas sian membraron kaj ne inverse. Ofte en afriko, povus okazi ke estas la elektinto kiu staras je dispono de la elektito. Estraro de Landa Asocio devu stari je dispono de siaj membroj, cxar Landa Asocio certe ne ekzistos sen ties membroj. Tiel membroj sentus sin kiel veraj aktivaj kunlaborantoj de la movado, kaj ne pasivaj. Gxis nun la afero ne tiel bone funkcias en multaj afrikaj landoj. Ni pripensu pri strategio nekomplika por pli vigligi la movadon laux disponebla rimedo. Mi konscias, ke miraklon ni ne povas fari, sed ni almenaux faru pasxon antauxen, ecx se tiu estas eta. Sukceso de la movado afrika devu unue dependi de afrikanoj. Kompreneble afriko povas ankaux kalkuli je bonkoraj helpoj de eksterafrikanoj. Tio estas nek rajto, nek devo, sed favoroj.

Resume, necesas ke ni vigligu landajn asociojn, membrigxu al lokaj sekcioj de UNESKO, kunlaboru kun organizoj kiel UNICEF kaj kun aliaj kulturaj asocioj, atentigu politikistojn pri la lingvo, dauxrigu instruadon de la lingvo, enkonduku la lingvon en lernejoj, ktp. Kelkaj el ni jam agadas sur kelkaj el tiuj kampoj, cxu en Tanzanio, cxu en Burundo, cxu en Benino, cxu en Togolando, cxu en Kongolando, ktp. Al tiuj ni gratulu ! Gratulon ankaux al afrikanoj, kiuj malgraux cxiuspecaj malfacilajxoj verkas en esperanto. Inter ili estas Antoine Kouablan el Kotdivuaro (La regno Kojikro), Jean Codjo ("Aventuro en mondo de sxajnigado" aperis kelkajn tagojn antaux UK-94), Joseph Apasa (li gajnis duan premion pri oratora konkurso dum UK-94), ktp.

Samideane via

Jean

Unua respondo de SOKPO Vignon


To : afriko@yahoogroups.com From : SOKPO Vignon Date : Fri, 21 Aug 2009 08:20:27 +0000 (GMT) Subject : Re : (afriko) Unu plia afrika komitatano de UEA

Kara Jean CODO

Gratuloj. Mia esperanto estas ne bona. Ekskuzu min. Chu afrikanoj skribas librojn en la esperanto ? se jes, mi volas havi siaj nomoj kaj la titroj de la livroj.

Danko

Dua mesagho de Jean CODJO


From : Jean Codjo To : afriko@yahoogroups.com Date : Fri, 21 Aug 2009 04:11:14 -0700 (PDT) Subject : (afriko)afrikaj verkistoj Reply-To : afriko@yahoogroups.com

Kara sinjoro Sopkon,

Estas kelkaj afrikaj verkistoj, eble ne tiom famaj, sed ili ekzistas. Vi versxajne konas Gbeglo Koffi (vi povas mendi liajn librojn cxe lia centro en Togolando aux cxe UEA). Estas ankaux Antoine Kouablan, kies libro (la regno kojikro) estas mendebla cxe UEA. Mia tria libro aperis iom antaux la UK. Gxi (Aventuro en monde de sxajnigado) estas mendebla cxe UEA aux cxe FEL en Belgio, same kiel la du unuaj libroj. Estas multaj aliaj afrikanoj, kiuj certe intencas verki aux ecx jam ekverkas.

Samideane via

Jean Codjo

Dua respondo de SOKPO Vignon


From : SOKPO Vignon To : afriko@yahoogroups.com > Date : Fri, 21 Aug 2009 16:53:40 +0000 (GMT) Subject : Re : (afriko) afrikaj verkistoj

Kara Jean CODJO

Viaj livroj ests tri. Antoine havas 1. Now, kiom estas che gbeglo Koffi. Mi volas la tiroj de la libroj de vi kaj Koffi.

sam

==========================================

Mesagho de GBEGLO Koffi al SOKPO Vignon

===========================================

Date : Sun, 23 Aug 2009 18:46:30 +0000 To : SOKPO Vignon From : GBEGLO Koffi Subject : afrikaj verkistoj

Kara samideano,

Mi legis vian mesaghon kaj la respondon de Jean CODJO. Mi respondas rekte al vi.

Vi rajtas montri mian mesaghon al chiuj, se vi volas.

Kiuj, miascie, verkis en Esperanto, tiuj, krom Jean CODJO kaj Antoine Kouassi kouablan, estas Minani Matabaro (DRK-konlandano vivanta en Tanzanio), Bernard NZANIYE Le Prince (Tanzaniano vivanta en Kenjo), Princo Henriko OGUINYE (Nigheriano), Bayo Afolaranmi (Nigherio), Oluwabunmi Osho-Davies (Nigherio), Elysee BYELONGO (DRKongolandano vivanta en Sudafriko), Bilong Bilong Georges Patrice (Kameruniano), Chamberline NGUEFACK ZEDONG (Kamerunianino), Michel NKWIRIKIJE Michel (Burundiano), Willy KOKOUVI (Togolandano), GBEGLO Koffi (Togolandano), GBEGLO Dzifa (Togolandano), Fabela Grupo (Togolando). Aliaj Esperantistoj rajtas plilongigi la liston.

Eble plachus al vi scii titolojn de la verkoj.

1-Minani Matabaro


Verdluma Stelo

2- Bernard NZANIYE Le Prince


- La knabino estas mia I

- La knabino estas mia II

3- Princo Henriko OGUINYE


Almenau du verkoj estas eldonitaj.

Mi forgesas la titolon de la unua, sed mi scias, ke ghi eldonighis en Hungario.

La dua libro estas :

- Festo de Beno

4- Bayo Afolaranmi


- La instruisto

- Ronke la jhaluzulino

5- Oluwabunmi Osho-Davies (Nigherio)


Tropika Poemaro

6- Elysee BYELONGO


El BUBEMBE EHHO

7- Bilong Bilong Georges Patrice


Nenio estas plu kiel antaue

8-Chamberline NGUEFACK ZEDONG


Historio, Rakontu

9- NKWIRIKIJE Michel


Gasuku, la aventurulo

10-Willy KOKOUVI


La Koko Kantas

11-GBEGLO Dzifa


Miaj unuaj pensoj

12-Fabela Grupo (MENSAH Edoe, ADJE Adjevi, KANLIPOU Koami, DOUMEGNON Koffi, KODJOVI Amivi, MENSAH Adjanouvi)----------------------------------------------------------------------------------------


Togolando fabelas

13- GBELO Koffi


- Mi vizitis grandan urbon

- De vilagho al chefurbo

- Kaj kio poste

- Prenu plu

- La Tabelo

- Mia Kredado

- Dank’al Hans BAKKER

- Sub la verda bluzo

- La Centra oficejo de UEA en vortoj

- Esperantujismo

- La unuan fojon

- Afero de Espero sub lupeo de Afrika Esperantisto - La 14a de Aprilo

- KUPESOTO (kajero de la unua E-seminario en Togolando en 1988)

- Aktoj de UAKo (kajero de la unua Afrika kongresdo) - KUKETO ( kajero de la unua TEK)

- Chevieko (Kajero de la dua TEK)

- Eksalto de Espero (Kajero de E-arangho en Anyronkope en 1992)

Eble indas paroli pri verkoj ne jam aperintaj, sed nun atendantaj sian vicon por esti eldonitaj : La verkistoj estas SEGBEDJI Ekoue (Togolando), GBEGLO Koffi (Togolando), ADJE Adjevi (Togolando), SAGBADJELOU Kokou (Togolando), Jean Louis MADZELLA (Kongolando), Henriel FIDILALAO (Malagasio)

1- SEGBEDJI Ekoue


Malkovru la vivon

2- GBEGLO Koffi


- Kuriozajhoj en Lagio

- Lirikaj vortoj

- 2008 : Afriko sur du frontoj en Esperantujo

- Roterdamo 2008

- Dudek OVoj

3- ADJE Adjevi


El Saghosako togolanda

4- SAGBADJELOU Kokou


Mon-epidemio

5- Jean-Louis MADZELLA


Nioshi, la eta abelino

6- Henriel FIDILALAO


Heroo de l’ chiutagajho.

Mi mencias nur tion, kion mi scias, char ACE (Afrika Centro Esperantista) eldon(ig)as kaj tial havas manuskriptojn. Mi petas de aliaj, ke ili kompletigu mian liston.

Chion bonan

gk

==============================================

Alvoko de ACE (Afrika Centro Esperantista)

==============================================

Karaj geamikoj,

Sekvinte korespondadon inter Jean CODJO kaj SOKPO Vignon pri afrikaj verkistoj, mi rapide sendis mesaghon mian al Sokpo. Mi listis verkistojn afrikajn kun ties verkoj. Dume, io kirlighas en mia kapo, chu ne estus bone, ke ni (afrikaj Esperantistoj) kompilu broshureton, kiu liveru informojn pri afrikaj verkistoj-esperantistoj ? Al vi nun iras la ideo. Kion ni precize faru ?

Se vi estas verkisto, sendu al mi vian biografieton, kaj listu viajn verkojn aperitajn/aperantajn/aperontajn. Kiu ne estas verkisto sed konas E-verkistojn afrikajn, tiu transdonu la mesaghon al ili, kaj helpu ilin, ke ili faru kion mi skribis supre.

Estas bone, ke oni menciu ankau periodajhojn, se oni redaktas tiajn.

La kompilajhon ni nomu ! Tuj venas al mi ion :"verdaj plumoj afrikaj". Kion vi pensas pri tio. Certe ankau vi shatus proponi nomon por kompilajho. Bonvolu tion fari ! La kompilado okazos en Afrika Centro Esperantista.

Chiujn informojn oni sendu al :

Afrika Centro Esperantista (ACE) ,

La limdato estas la 30-an de septembro 2009.

Tutkorajn salutojn !

gk