Monda ASEMBLEO Socia (MAS)  [<<<]
MSF-raporto, 4-a parto
28a februaro 2009

MSF 4-a Raporto LPLL-Prelego

De : "mihaelo"

Dato : 2009-02-08 14:21

La prelego komencis je la 9h15 min kun la ĉambro plena. Ĝi estis entute pli ol 40 personoj. Mi komencis parolante pri la kreado de la lingvoj en etaj ĝeneralaj rigardoj kaj poste parolante pri la rolo kiun la imperiaj lingvoj tra la homa historio ekhavis kiel internacian lingvon. Mi prikomentis la problemon kun tia sistemo kaj kiel solvi ĝin. Ĉu utiligi nacian lingvon, mortintan lingvon au neutralan internacian lingvon ?

Mi parolis pri la problemoj de komunikado kiujn suferas la plejmulto de la brazilanoj pro ne scii la hispanan, pro tio ke en la lernejoj nur estas la angla kiel deviga fremda lingvo. Ĉar la hispana estas iom simila al la portugala, multaj brazilanoj parolas portugalajn vortojn kun hispana imagebla prononco pensante ke tiamaniere ĝi fariĝos hispana. Ĉar en la prelego estis nur unu franco kaj la aliaj auskultantoj estis nur brazilanoj, ili demandis pri la ĵus farita ortografia interkonsento en la portugala lingvo kiu validas ekde la 1-a de januaro 2009. Oni ŝanĝis la lingvon por unuigi la skriban varianton de la portugala kun tiu de la brazila pro komercaj kialoj.

Mi finis la prelegon pere de rapida gramatika kaj fonetika rigardo pri Esperanto. Multaj el la auskultantoj de la prelego demandis pri la lingvaj antaujuĝoj kiuj okazas ene de Brazilo pro tio ke la didaktikaj libroj kaj televido uzas nur la brazilan dialekton (São Paulo kaj Rio de Janeiro), kaj la dialektoj regionaj au kamparanaj suferas antaujuĝojn. Fakte la plejmulto ĉeestis la prelegon ĉar ĝi estis la sola pri lingvistika temo ĉe la MSF.

Miĥaelo.