Monda ASEMBLEO Socia (MAS)  [<<<]
MSF-Bulteno 2006-06-27
de Monda Socia Forumo, sidejo San-Paŭlo  
27a junio 2006

MSF-bulteno

La 27-an de junio 2006

Monda Socia Forumo 2007

Najrobio (Kenjo), de la 20-a ĝis 25-a de januaro 2007

Kara amik(in)o partoprenanta en la procezo de la Monda Socia Forumo,

La 7-a Monda Socia Forumo - kiu okazos de la 20-a ĝis 25-a de januaro 2007, en Najrobio (Kenjo) - devas respondi al la defio esti ankoraŭ pli ligita al la konkretaj agadoj por la konstruado de „alia mondo ebla“.

Tiu zorgo estis plurfoje esprimita dum la kunvenoj de la Internacia Konsilantaro de la MSF kaj de la pritaksadoj pro la procezo de la Forumo. Kion ni strebas realigi estas unu el la eksplicitaj celoj en la Ĉarto de la Principoj de la Forumo : „La Monda Socia Forumo estas malferma renkontiĝejo por profundigi la pensadon, por la demokratia debato de la ideoj, ellaborado de proponoj, libera interŝanĝo de spertoj kaj interkonektiĝo por efikaj agoj“.

Pro tio ni faras hodiaŭ tiun ĉi preparan konsultadon.

Ĝi celas daŭrigi motodan opcion adoptitan en 2004, dum preparo de la Forumo 2005 ; tiu opcio celas plibonigi „la arĥitekturon“ de la evento kaj de la procezo. La rezulto estis la difino de 11 laŭtemaj spacoj, en kiuj estis disvolvitaj la du mil memmastrumataj agadoj, kio estis reala progreso kompare kun la antaŭaj Forumoj.

La konsultado de 2004 havis teman econ. Per tiu ĉi konsultado ni volas eniri novan etapon.

Kion ni petas nun de vi, estas indiki la agojn, kampanjojn kaj luktojn pri kiuj okupiĝas via organizo. La ideo estas organizi la 7-an Forumon ĉirkaŭ tiuj agoj, kampanjoj kaj luktoj, kunigante en la diversajn spacojn de la Forumo la agadojn ligitajn al tiuj agoj, kampanjoj kaj luktoj, same kiel la agadojn kiuj ne havas rektajn ligojn kun ili - tiuj estas indikotaj en la momento de enskribo de agadoj - sed estas ligitaj kun ili per la menciita temo.

Tiel, la konkretaj agoj naskiĝantaj dum la disvolviĝo de la Forumo fariĝos pli videblaj. Gajnos videblecon ankaŭ la agadoj kiuj certigis la daŭrigon, intensigon kaj la efektivajn politikajn rezultojn de la aliaj agoj kiuj disvolviĝis antaŭ aŭ ekstere de la Forumo. Tiel la interplektiĝoj inter niaj organizoj fortiĝos en la konstruado de justa, egaleca socio respektanta la diversecon, solidara, demokratia, partopreniga kaj daŭrema.

Tiu propono - kaj la realigo de tiu prepara konsultado - estis ratifitaj de la Internacia Konsilantaro de la MSF, laŭ propono de ĝia Metoda Komisiono, dum la kunveno en marto ĉi-jare en Najrobio.

Ni strebis simpligi maksimume la ĉi-subajn demandojn de la enketo por plifaciligi viajn respondojn. Ju pli rapide la respondoj estas sendataj, des pli bonaj estos la prepar-kondiĉoj por la Forumo 2007. La limdato por sendado de la respondoj estas fiksita je la 30-a de julio 2006.

Por plenigi la demandilon de la konsultado, bonvolu aliri al la teksejo :

http://consultation.wsf2007.org/

Por ricevi pli da informoj pri la konsultado 2007, alklaku la ligilon :

http://www.forumsocialmundial.org.b...

La organizoj kiuj estas jam registritaj en la teksejo de la Plurcentra MSF 2006 (www.wsf2006.org) ne bezonas refoje plenigi ĉiujn formularojn. Ili povas aliri la teksejon http://consultation.wsf2007.org/ per la sama salutnomo kaj pasvorto uzataj en la teksejo de la Plurcentra MSF 2006. Poste alklaku sur la menuon „Consultation on actions, campaigns and struggles“ > “Add new“. La konsultaado disponeblas en la angla. Post mallonge ĝi fareblas ankaŭ en la hispana kaj la franca.

Por ricevi praktikajn informojn pri la Forumo de Najrobio, vizitu la teksejon : www.socialforum.or.ke

Oficejo de la MSF 2007 en Najrobio (Kenjo)

Rekta kontakto : Masandukuni Lanee, Off Gitanga Road

Poŝtadreso : P. O. Box 63125 00619 Nairobi Kenya

Telefono : +254-020-386-0745 u +254-020-386-0746

Fakso : 254-020-271-3262

Retpoŝto : socialforum@sodnet.or.ke 

Oficejo de la Monda Socia Forumo (Brazilo) Adreso : Rua General Jardim, 660, 7 andar, São Paulo - SP- Brazilo Poŝtkodo : 01223-010 Teksejo : www.forumsocialmundial.org.br

MSF-Bulteno

Tiu ĉi bulteno estas nur sciigo. Bonvolu ne respondi al tiu ĉi mesaĝo. Traduko/kunlaborado : Sheyla Saade Marquis kaj Vanessa Sigaud Pays ; Vilhelmo Lutermano (por la Esperanta versio).